الخميس، 15 أكتوبر 2009

وَفِي السَّمَاءِ رِزْقُكُمْ وَمَا تُوعَدُونَ

(وَفِي السَّمَاءِ رِزْقُكُمْ وَمَا تُوعَدُونَ *فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ) (الذريات:22-23)

كم إستوقفتنى هذة الآية الكريمه وكم آمنت بها في حياتى وآمل من الله عز وجل أن يزداد إيمانى بها
وليس الرزق هنا هو المال فقط فيوزع الله عز وجل رزقه على عبادة كيفما شاء
فقد يكون رزقك في ذريه صالحه أو صحه جيده أو أى رزق يعطية الله لك فيتوجب عليك شكره وحمده على ما أنعم عليك به
ولاحظ هنا أن المولى عز وجل يقسم بنفسه ان الرزق في السماء وهذا حق كما ننطق .
فإن أردت الرزق فلا تطلبه من العبد بل أطلبه من الرزاق

حينما تكون مغتربا


حينما تولد فتجد نفسك مغتربا في بلد تكره المغتربين او تعاملهم على انهم بشر من الدرجة الثانيه و حينما تدرك جيدا معنى كلمة وطن وان الوطن هو الام وهو الأمان وتجد نفسك بتسلسل غير منطقى عائد إلى بلدك لكى تتعلم وتعيش حياة كريمه ولكن !!!
يتدخل هنا القدر حيث أنك تصتدم بأرض الواقع المرير !!
هذا ليس أنا !!
هذة ليست المنهاج التى أعرفها !!
وهذا ليس حتى تفوقي المعتاد بل تحول إلى بلاده .
وتجد نفسك تنتقل من أوائل الصفوف إلى آواخرها في الدرجات والتقييم والأداء وحتى المكان
حين تجد نفسك لا تدرك ما عليك فعله فتبقى كما أنت ويتوقف بك الزمان لأنك لا تدرك ما يحدث حولك
فقط لأنك كنت مغترب وأردت العوده للوطن
وحينما ترضى بما انت عليه وتبدأ تتعايش مع الواقع تبعث لك فيزا كى تتغرب من جديد !!
ولكن هذه المره لكى تعمل ليس لكى تدرس
وتجد أنك وان عوملت معاملة إنسان من الدرجة الثانيه فهذا افضل من أن تكون مغتربا داخل بلدك !!
تعمل وتعمل ولا تلقى جزاءا ولا شكورا
فمذا تفعل ؟ هل تظل مغتربا داخل بلدك ام تغترب فعلا وفى كلتا الحالتين ستعامل معاملة إنسان من الدرجة الثانيه

الجمعة، 9 أكتوبر 2009

الدبلة

لما لبست دبله في صباع ايدي اليمين
فرحت وقلت اخيرا هبقا زي الناس الباقيين
يومين بالظبط يومين
واكتشفت انها مش دبله
دا حبل المشنقه وانا لفيته على قلبي الحزين
زمان كان عندي قلب بيحب اه لكن عمره ما اتحب
قلعت الدبله بس بعد ايه
كان مات قلبي ومات جواه الحب
وفضلت شويه هدايا وذكريات
ياريت كان عقلي هو اللى مات
عشان ما يفتكرش قد ايه المرحوم حب

وقف القلم

وقف القلم عن الكلام
مع العلم انه اصلا واقف بقاله ايام
لما كانت معايا كان بيكتب
كان بيحس بيا وبيا بيكتب
ودلوقتى ليه مش عايز تكتب
لا انا اتغيرت ولا القلم اتغير
ولا يمكن الكلام هو اللى اتغير
ولا المفاهيم عندى اتغيرت
انا شايف الاحمر اسود
والابيض برضه اسود
هي الحياة اسودت
ولا هى اصلا سودا وانا اللى مكنتش محدد

اتعلمت

علمتني الدنيا ان تعبت ما اشكيش
وان شكيت في يوم ما اخدش بقشيش
وان وقعت في يوم لازم أقوم
وان احتجت في يوم ما اطلبش من الانسان شئ
اطلب من اللى هيدي الانسان كل شئ
اتعلمت ان الدنيا بس كرامه
ان ضاعت كرامتك يابن عمي ما تستحقش تعيش
وعرفت ان الانسان ما يملى عينه الا التراب

كنت شاعر

انا كنت في يوم شاعر
وباللى حواليا شاعر
دلوقتي لا بقيت شاعر ولا مشعور
انعدم عندي الشعور
نسيت اجيب معايا احساسي
نسيت اجيب معايا كلماتي
ولا الحب وقع من شنطتي
ولا الفكر ضاع في دنيتي
ولا الشعر مبقاش شاعر بوحدتي

الجمعة، 19 ديسمبر 2008

زي الطير

ليكي أنا عايش وبغني
زي الطير واقف مستني
مامتة تجيبلة أكلة في بوقة
انا مستني حبك ياخدني
ونغني سوا غنوة حبنا
واقولك بحبك تقولي بحبك
ونطير سوا على جناح الهوا
ونبص على الناس من فوق
هو احنا اللى طايرين ولا دي عمايل الهوا