زي الطير

ليكي أنا عايش وبغني

زي الطير واقف مستني

مامتة تجيبلة أكلة في بوقة

انا مستني حبك ياخدني

ونغني سوا غنوة حبنا

واقولك بحبك تقولي بحبك

ونطير سوا على جناح الهوا

ونبص على الناس من فوق

هو احنا اللى طايرين ولا دي عمايل الهوا

غزل

شعرك دا ولا ليل طويل ملوش آخر

عينك دي ولا بحر كبير مليان بواخر

وبوقك دا ولا سمسمة متبسمة على الأخر

وقلبك دا ولا قلوب متجمعة وعملوا قلب واحد في الآخر

هوصف إية ولا إية دانا لو أوصف كلامي ملوش أخر

أنا عمري ما حبيت كدا ولا هحب كدا حبك دا حب من النوع الفاخر

مشهد جرح قلبي

كلاكيت للمرة الكام مبقتش أعد

كلاكيت للمرة الكام بطلت أعد

حب يا قلبي أوى

وإخلص أوي أوي

وفجأة من غير ما تعرف لية

إنجرح

إنجرح أوى أوى

وإنكسر أوى

ودمعي يا عين أوى

مش عليا ولا عليها على المشهد إلى بقا عادي أوى

عفريت فقري

في يوم كدا وانا ماشي لاقيت فانوس
دعكتة طلع لي منه عفريت ضحك وقال نفسك في اية
قلت له اية بتقول اية
قالي ياعم خلص نفسك في اية
قلت له انت بتتكلم جد ولا بتهريج
قالي ياعم خلص ولا في يوم تاني أجيك
قلت له اسمع يا سيدي
نفسي في شقة ونفسي في عربية
ونفسي أعرف أعيش كويس
نفسي ابطل أقف في الطابور
نفسي يبقا أنا اللى عليا الدور
نفسي أحب وأتحب
قالي إية حيلك حيلك
دا انا عفريت ولا عندي بيت ولا عربية
ولا لاقي عفريتة ترضى بيا
بقولك اية يا كابتن معكش سلفة كدا قد مية ؟
قلت له يادي الخيبة أمال عفريت اية
واطلب واتمني على إية
الأخ عفريت مصري ولا اية

خايف من اية

خايف من اية
خايف على اية
خايف من بكرة
صدقني يا صاحبي واحد
طول ما الرب واحد
هيسترها معانا
وهتمشي ويانا
واهي حبة كدا وحبة كدا
ومسير الشمس تطلع
ولو غابت شوية
اية يعني حبيبك هجرك
واية يعني صاحبك كسرك
هتعدي وهتفوت
وهتنسى وهتعيش
وهتحب وهتصاحب
واهي دايرة وبتدور علينا
سعات تبقا في ادينا
وسعات تحت رجلينا
ياصاحبي انا في يوم كنت
ولا اقولك هكون
وهكون وهكون
صدقني يا صاحبي دا مش جنون
وهيجي يوم وأفكرك
وأقولك فاكر لما قلت لك
كنت وهكون
يا تري إنتا لسة زي منتا
ولا بقيت

إشادة من أجمل فنان

بينما انا على الفيس بوك راسلت الفنان الكبير وجية عزيز وطلبت منه ان يدخل على مدونتي ويعطيني رأية وبالمناسبة وجية عزيز من احب الفنانين الى قلبي ولا اصدق الى الان انه راسلني قال الاستاذ بالنص

اجمل شىء فى كتاباتك انها جريئة ومتنوعةاستمر فى الكتابة لان اللى جاى هيكون اجمل

توت

شكل الطير فرحان ومبسوط

بس بقول توت
يا أهلي توت يا بلدي توت

وتوت توت أمتى يتفتح الكبوت

امتى هتلعب معايا واضرب بالنبوت

يا أهلي توت يا بلدي توت

ينعل ابو توتك يا بلد

ليه بتعملي كدا في دا الولد

وليه عندك غني ولية عندك فقير

يا أهلي توت يا بلدي توت

تراهني تراهن ان اهلى واهلك

لو يعرفوا ان توت دا هيفضل موجود

لا كانوا جابوني ولا جابوك

وهيجيبونا لية

ويطلع توت ابونا لية

يا أهلي توت يا بلدي توت

الأهلى كسب وأوباما كسب

ومصر مبقاش فيها بيوت

يا مصر يا اما ياللى قالوا عنك سفينة

امتى بقى هتعرفينا

امتى بقى هتطلعينا

امتى بقا هتفرحينا

ونقول توت توت

يادي الخيبة

يادي الخيبة حبيت ولا اية
منا كل مرة بحب
وبيتقزقز بيا لب
لحد ما قلبي داب
وبقا شبة القبقاب
حبيت بجد يا ولا ولا هتتحط في الدولاب
وتقول دا حب ودا حب وكل دول احباب

إكتب عامي

لما تحس في وسط الزحمة أنك وحداني
لما تعيش وتحس انك من عالم تاني
لما تقول اجرب الحب يمكن الاقي نفسي واحد تاني
وترجع من تاني
آة وحداني
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
وأنا وياكي بحس أن انا مش انسان
ان اننا نغمة طالعة من عود فنان
ان انا طير طاير فرحان
ان انا واحد ناسي الاحزان
ان انا ريشة وان انا وردة وان انا كمان
وكمان وكمان ولو أقول كمان
تبوظ القافية مني وأطلع غلطان
وببص في عينيكي بتلخبط وبحس ان انا حيران
ياة هو في كدا دا اتاري الحب دا حاجة جنان

يا ......

يا حبا اذاب قلبي من قبل ان احبة

يا حبا أتعب قلبي من أجل أن أصل له

يا حبا صعب المنال

يا حبا أعجب الفؤاد

وأنبهر منه العقل

سألتني لمذا أحببتني

فأجبت أو للحب سلطان

أنت لا تعرفني

يكفيني ما سمعته عنك من أخبار

من فضلك أسمحي لي بتلك الرقصة

رقصة سنطلق عليها اسم قلوبنا

بل رقصة سيرقصها قلبي وقلبك

يا حبا أعاد النبض لقلبي

أستحلفك بالله لا تتركيني

قفلبي لم يعد يحتمل

ولم يعد يريد غير حبك

لينبض به

محفظتي القديمة ذكرتني اني لي ميول شعرية

بالصدفة وجدت محفظتي القديمة امامي على جهاز الكمبيوتر وبصراحة وجدت فيها ما آلمني كثيرا وأعاد عليا هموما كدت ان انساها ولكني وجدت ما اسعدني ايضا وجدت قرابة الست قصائد التى كنت احملهم معي وتذكرت انى كان لي ميول شعرية واول ما خطر ببالي ان اكتبهم هنا ليس لكي يقراهم احد فقط بل حتى لا يضيعوا هبائا
اولهم واعتقد انها احلاهم
ـــــــــــــــــــــــــــــــــــــــــــــــــــــــــــــــــــــــــــــــــــــــــ

لو تبادليني روحك بروحي
سأقول حينها لروحي كم أحبك وكم أهواكي
وفي عشقك وسهدك أراكي
أو تبادليني قلبك فأملئة عشقا وشوقا لكي
أيصل ؟؟
أيصل إحساسي أم المدى بعيد والحلم كبير
أحبك ؟؟
لا بل كلمة أكثر من هذا بكثير
فا انا من دونك ريشة يتلاقطها الهواء كيفما شاء
أحبيني أريحيني وكوني بديلا لي في الروح والبدن
يا من كسرت أقلاما لأجد وصفا لكي أحبك
يا من سهرت ليالي في التفكير بك أحبك
لا بل أحب الحب من أجلي أني أحببتك به
قمرا شمسا في راحتييك
أضئ وأطفى تحت قدميك
عاشق أنا ؟؟ بل ولهان حزين أنا أم سيان
احبك ولا أرضى بحبك بديلا
خذي روحي خذي قلبي وأتركي لي عقلا
يعقل كلمة طالما انتظرها أسيريكي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الثانية
يا من ملكتي عقلي دون ان اعقل احبك
يا من ملكتي قلبي دون ان ينبض بدون اسمك احبك
يا من ملكتي هواي وروحي واحساسي احبك
يا خيالي وكل تفكيري بعدك اثبت لي
اثبت لي انك الهواء والماء ومن دونك انا لا اسوى
ياليلي يا قمري يا ضحايا ويومي
يا عيني التى أرى بها يا قلبي الذى احس به
يا كل دنياي احبك ولا ارضى بغير ذلك
احبك ويكفيني هذا لكي اعيش به
بادليني او لا تبادليني فانا هنا وانتى هناك
واحساسك واحساسي بداخلي
فبه ساعيش ومن اجلة سابذل
احبك وكفى
يا نبع المياة للظمآن من بعد حر الصحراء
يا نور الشمس للأعمي من بعد ظلمتة
يا نسمة الهواء من بعد حر طويل
أحبك وكفى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الثالثة
أحبك يا من سكنتي كل أحلامي
احبك يامن أذبت كل الامي
من دون ان تعلمي
من دون ان تشعري
احبك
احبك وقلبك ليس ملكا لي
احبك واعرف انك لست لي
احبك ولا ابالى ان كنت يوما ستعرفين
او كنت يوما تبادلين
احبك

من كل قلبي يا محبوبة عمري
يكفيني منك نظرة او حتى ابتسامة
ولا اريد سوى ان اظل بجوارك
احبك واتمنى لك السعادة
معي أو مع غيري

3 اشياء إذا امتلكتها لن تعرف الناس

في رأيي الشخصي هناك 3 اشياء اذا امتلكتها كلها او امتلكت احداها لن تعرف اذا كان الناس التى حولك يعاملوك بصدق او يعاملوك من اجل هذة الاشياء

1 المال

2 السلطة

3 الجمال

اريد ان اسمع ارآئكم

كنت قد قررت الاعتزال إلا أن

كنت قد قررت اعتزال الكتابة لأنني احسست انه لا يوجد من يتابع كتاباتي او من هو مهتم بها إلا ان حصل الآتى
ضافني شاب من كندا اسمة محمد من اصل مصري وقال لى بالنص انه اتى بإميلي من المدونة الخاصة بي وقال لي "keep it up"
هجرب ارجع اكتب تاني وياريت المرة دي بقا يبقا في جمهور

دبدوب أحمر ( من سخريات عيد الحب )

مبدأيا كدا انا بكتب الموضوع دا ونا عايز انام فسامحوني لو خرفت شوية في الكلام

المهم يا سيدي قالك الواد اخويا اللى اصغر مني ب3 سنين في كلية أدآب والواد ابن اللذينة دا جالة حتت دبدوب أحمر هدية في الفلانتاين يمكن أكبر من الواد اخويا نفسة السخرية بقا في الموضوع دا ان انا مجاليش حتى رجل دبدوب :):) يلا كل دبدوب وانتوا طيبين

أول مشاريعى الناجحة

أذكر ذلك اليوم جيدا حين كنت وحدي في البيت وابي ترك لي قرابة 20 جنيها ولم يكن هناك ما افعلة اعتقد ايضا اني كنت في بداية المرحلة الإعدادية ووجدت ابن الحارس الخاص بالعقار يبيع

( تين شوكي ) فقلت له دون تردد بكم اشترت هذا القفص لا اذكر حينها كم قال ولكني اذكر بالطبع انه كان اقل من النقود التي معى فقلت له سوف اشتري منك هذا القفص تردد الولد في بداية الأمر واعتقد انه تردد حتى لا اشاركة ربح هذا التين وجعلتة هوة يقشر التين

( هذا ايضا اول عامل مأجور عندي D: ) وأذكر جيدا اننا كنا في بداية الأمر نبيع ال4 بجنية إلى ان وصل ربحي الى اكتر من ضعف ما اشتريت به فقلت له بيع ال10 بجنية ولم اكررها مرة أخرى

تقدر تتحكم في عقول البشر

تعمل اية او تعملي اية لو عندك القدرة على التحكم في عقول الناس كل الناس
هل هتستعمل القدرة دي في حاجة حرام او هل هتخلي الناس تقتنع بيك بالطريقة دي
الموضوع دا محتاج مشاركاتكم

كل عيد حب وانتم بخير

كل عيد حب وحضراتكم بخير بس بقا مش المشكلة ان النهاردة عيد الحب انما المشكلة ان انا وحيد في عيد الحب صحيح ان انا جنمبي اهلي ربنا يخليهوم ليا ودا حب كمان مهم اوي اللى هوة حب الأهل انما انا ما اعتقدش ان اليوم دا معمول عشان حب الأهل

فزي ما قلت قبل كدا ( انا وحيد عيد الحب دا ) وبيني وبينكم ربنا يديمها عليا نعمة

هوة بس الاحساس نفسة وحش انما اهو يوم والاحساس دا هيروح وبيني وبينكم برضة ربنا يرزق

على أنغام بتاع الأنابيب

قولي إية أكتر صوت تكرهة في حياتك أقولك بتاع الأنابيب
وبالذات بتوع الأنابيب اللى في منطقتنا
الواحد من دول تظبط ساعتك علية الساعة 9 ص بالظبط تلاقية بيخبط تحت بيتكم
واكمن انا راجل كسلان طبعا مبصحاش الساعة 9 ولا اكون اخدت كفايتي من النوم فببقا عايز اقوم ادلق علية مية بس بقول اهو راجل وبيسترزق
وكمان بقا اللى يغيظيك ان انا قوضتي على الشارع وورايا الشباك يعني هيجيبني هيجيبني
ويا سلام بقا لما يكونو 2 ولا 3 تسمع احلى مزيكا
ولا يا سلام بقا لو مزاجة رايق شوية وبيقسم بقا
مش عارف لو حد عندة حل يقولهولي

انتا والحب

ركز معايا كدا ياعم الحج بالصلاة على النبي
قالك اية اخبارك مع الحب

( آه يا قلبي )
بص يا سيدي انا اجيبلك المشوار من الاول
اول مرة حبيت كان عندي يجي 16 او 17 سنة مش فاكر
المهم يا سيدي حبيت مين حبيت بنت خالتي واتكسفت اقولها
قلت لها ازاى بقا على النت وحصل اللى حصل
اللى بعدو
اللى بعدو يا عمنا كانت بنت من المنطقة هية مكانتش بتحبني
هية كانت بتتسلي بس انا اخذتها جد اوى ورحت لابوها وبتاع وحصل اللى حصل
لا استنى متفهمش غلط ابوها مرفضنيش بس هية طلعت بت لذينة

(لولا ان انا في بلوج محترم كنت قلت اقاويل )
يلا ربنا يسامحها بقا
اللى بعدة بقا يا باشا كانت بنت من الكلية
البنت دي قعدت 3 سنين احاول اكلمها وفي الآخر كلمتها وكنت عارف انها مخطوبة وكنت راضي بيها كدا
بس هية حورت وكذبت وقالت عليا كلام انا مقلتوش
وفكس الموضوع
والآن انا قلبي فارغ مش بحب حد الحمد للة تقريبا جاتلي عقدة وان شاء الله مش هحب برضة
بس

لية عملت بلوج

بسم الله الرحمن الرحيم
قالك يا سيدي لية عملت بلوج ؟
اشمعني انا يعني ماهو كلة بقا له مدونة دلوقتي
ثم اني انا اعتقد انى عندي موهبة في الكتابة وطريقة خاصة للتعبير
طب لية اختارت بلوجر
بلوجر لية جمهور كبير يعني اللى هكتبة في ناس هتقراة إن شاء الله
بس قولوا يارب ما اكسلش واكتب حاجة لحسن انا كسول من الدرجة الأولى
غيرو؟
بس كدا كفاية ونلقاكم بقا في المدونة